Elita dhe Gjiko kanë qenë këto ditë në vëmendjen e mediave rozë pasi janë bërë prindër të vogëlushit që e kanë quajtur me emrin e veçantë shqiptar, Zëri.
Elita ka qenë e para që ka postuar foto të të voglit duke përshkruar dhe ndjesinë e të qënit nënë. POr mjaft emocionues ka qenë më pas edhe mesazhi i vetë këngëtarit, Gjiko.
“Mirë se erdhe biri im Zëri Gjikolli. Në momentin që na kape gishtin me dorën tënde të vogël na more zemrat rob për tërë jetën mua e mamit tënd, e cila të mbajti 9 muaj e u kujdes për çdo detaj që ti ta kishe sa më të lehtë në barkun e saj, me të cilën mburrem dhe jam krenar që është gruaja ime. Babi ju do shumë dhe do jetë gjithmonë pranë jush në çdo moment. Ju dua shumë”, – ka shkruar ai në krah të fotove.