Fridman Xhaferraj, 25-vjeçari që u gjet i vdekur në rezervuarin e Gjançcit në Korçë, duhet të ishte i mbyllur në shtëpi.
Dosja.al ka mësuar se Xhaferraj, më 19 shkurt të këtij viti kishte djegur tre makina të parkuara në një qendër tregtare në Lushnje, në bashkëpunim me një tjetër person.
Pas veprës së kryer, i riu është vënë në pranga dhe është dënuar për “Shkatërrim prone me zjarr, e kryer në bashkëpunim”. Më 21 maj, Xhaferraj u lirua nga qelia dhe u la në “arrest shtëpie”, masë të cilën siç duket nuk e ka respektuar.
Paraditen e sotme, rreth orës 11:00, i riu u gjet i mbytur në rezervuar. Paraprakisht dyshohet të jetë vrarë me sende të forta e më pas të jetë hedhur në ujë.