Moderatorja Dojna Mema është në muajt e fundit të shtatzënisë, ndërkohë që vazhdon të ndajë me publikun këtë eksperiencë të veçantë për të.
Këtë të premte, ajo dhe partneri i saj, Vlashent Sata ka pranuar ftesën e binjakëve Veshaj. Në episodin e fundit të “Më lër të flas” për këtë sezon, Dojna dhe Vlashenti foli më shumë për njëri-tjetrin dhe për beben që presin të vijë në jetë së shpejti.
Moderatorja kujtoi se ka mbetur shtatzënë gjatë kohës kur prezantonte “Big Brother VIP Fan Club”, ndërsa binjakët e pyetën si ka qenë kjo shtatzëni e parë për çiftin.
Dojna: Ka qenë fëmijë shumë i mbarë që në fillim. Ky fëmijë është krijuar gjatë kohës që ju ishit brenda shtëpisë së Big Brother.
Romeo: Sa fëmijë janë bërë në atë kohë, o vëlla?
Donaldi: Sa shanse ka që ju ta keni bërë këtë fëmijë duke më parë mua?
Dojna: Në shtëpinë tonë ka qenë 24 orë në 24 Big Brother, kështu që e sigurt që keni qenë diku në sfond.
Donaldi: Ka qenë e martë apo e premte?
Dojna: Këtë nuk e mbaj mend.
Donaldi: Na tregoni pak si po shkon si eksperiencë.
Vlashenti: Më mori një shok në telefon, sa mori vesh që ishte shtatzënë Dojna, më tha mirë se erdhe në grupin “Ti ke të drejtë, unë kam gabim”.
Donaldi: Ajo ka të drejtë kur nuk është shtatzënë, imagjino sa të drejtë ka kur është shtatzënë…
Vlashenti: Është eksperiencë e re dhe ti nuk di çfarë të presësh as nga vetja, as nga partnerja, as nga njerëzit e tjerë. Të gjithë japin mend. Mua më vjen keq që nuk kam qenë perfekt aq sa ka qenë perfekte Dojna në këtë rrugëtimin e saj.