Simboli i ndaluar nazist që u shfaq në datën 11 shtator gjatë një tubimi në Tiranë ka vënë në lëvizje prokurorinë e Tiranës që ka regjistruar hetimet për akuzën e “shpërndarjes së shkrimeve antikushtetuese”.
Protesta e gati dy javë më parë e ka shtyre antiterrorin që të kërkojë hetime në prokurori ndaj një protestuesi që mban në dorë tabelën që sipas agjentëve të antiterrorit i ngjan kryqit nazist.
Antiterrori ka referuar mes të tjerash si provë këqyrjen e videos në kanalin Youtube të transmetuar nga TCH. Video përshkruan agjentin që është e gjatë 1 minutë e 3 sekonda dhe aty shfaqen qytetarë me tabela e me thirrjet “NUK JEMI KAVJE”, apo ” jo vaksinimit të detyruar , jo vaksinë me forcim, jo 5 g”.
Konkretisht thuhet më tej gjatë kësaj proteste kundër vaksinimit të detyruar mes aktivistëve të identifikuar si pjesë e shoqërisë civile , shfaqet edhe një person i panjohur ende që mban në dorë këtë tabelë, me kryqin e thyer nazist që është i ndaluar në të gjithë botën.