Ish-deputeti Mark Frroku dhe partnerja e tij, moderatorja Rudina Dembacaj janë vetë-izoluar prej disa ditësh në shtëpinë e tyre.
Lajmin e ka pranuar vetë çifti, duke theksuar se ky vendim erdhi pasi Frroku takoi në një ceremoni mortore një nga pacientët zero.
Ndërsa ditën e sotme, ish-deputeti është parë pranë ambjenteve të Spitalit Infektiv.
Burime për Newsbomb.al bëjnë me dije se ai kishte lidhje me viktimën e pestë të regjistruar nga Covid-19 në Shqipëri.
Mësohet se Frroku dhe 49-vjeçari Ndue Marinaj ishin miq, që nga vendlindja në Pukë.
Ndërkohë nuk dihet ende nëse ish-deputeti i është nënshtruar testit të koronavirusit. Pasi më herët ai ka patur simptoma si temperaturë shumë të lartë, shoqëruar me kollë dhe dhimbje të fuqishme muskulare.
Partnerja e tij Rudina tha se s’mund te tregoheshin aq egoistë dhe të benin testin kur tashmë ndiheshin mirë ndërsa dikush tjetër mund te kishte nevoje vërtet për atë test.