Në samitin e BE-së dhe Ballkanit Perëndimor që u mbajt në Tiranë, një foto e kryeministrit Edi Rama teksa iu ul në gjunjë kryeministrit të Luksemburgut Xavier Bettel, tërhoqi shumë vëmendjen dhe u bë hit në rrjete sociale.
Ka të bëjë me një “resto”. Në një vizitë zyrtare në Tiranë më 6 gusht, Bettel teksa u prit nga Rama, u ngrit në majë të gishtave për të bërë foton. Ky ishte një moment humori mes dy liderëve, teksa Bettel përpiqej të arrinte Ramën.
Ndaj dhe Rama u ul në gjunjë dje në samit, si në formë batute për t’i treguar se nuk ishte Rama më i gjatë, por homologu i tij nga Luksemburgu.
