Presidenti amerikan Donald Trump i ka bërë thirrje Iranit që të shfuqizojë dënimin me vdekje të dhënë për kampionin e mundjes Navid Afkari, i cili mori pjesë në protesta dy vjet më parë.
“Për udhëheqësit e Iranit, unë do ta vlerësoja shumë nëse ju do t’ia kurseni jetën këtij të riu dhe nuk do ta ekzekutoni atë,” shkroi Trump të Twitter.
Navid Afkari, 27 vjeç, u dënua me dy dënime me vdekje për vrasjen e një roje sigurie gjatë protestave në Shiraz. Vëllezërit e tij Vahid dhe Habib u dënuan me 54 dhe 27 vjet burg në të njëjtën çështje, sipas aktivistëve të të drejtave të njeriut në Iran, raporton BBC.
Duke cituar një raport të Fox News, Trump tha se veprimi i kampionit të mundjes vetëm ishte “një demonstratë anti-qeveritare në rrugë”. Më parë gjatë ditës, zëdhënësi i Departamentit të Shtetit të SHBA Morgan Ortegus shkroi në Twitter: “Ne i bashkohemi botës me zemërim për dënimin me vdekje nga regjimi iranian për Navid Afkari, i cili u torturua duke dhënë një rrëfim të rremë pasi mori pjesë në protesta paqësore në 2018. Regjimi gjithashtu torturoi dy vëllezërit e tij dhe i dënoi me dekada burg. Lërini ata të lirë”.
Një numër figurash dhe aktivistësh ndërkombëtarë të mundjes gjithashtu kanë bërë thirrje për lirimin e vëllezërve dhe nënshkruan një peticion me mbi 10 000 firma që bën thirrje për shpëtimin e jetës së Afkarit.