Javën ne ardhshme, 2 vëllezërit Veshaj, Donaldi dhe Romeo pritet që të nisin emisionin e tyre të quajtur “Më ler të flas”, duke marrë spunto nga një shprehje e Donaldit e thënë brenda shtëpisë së “Big Brother VIP”, e cila më pas u bë virale.
Binjakët janë mëse të angazhuar me këtë projekt në prag të fillimit të tij. Megjithatë, në një kohë kur rrjeti po gumëzhin lidhur me historinë e Borës dhe Donaldit, të gjithë pyesin nëse do jetë moderatorja e ftuara e tyre e parë?
Në fakt, një sërë thashethehemesh qarkulluan në rrjet që ngrinin dyshimet se e ftuara e parë do të ishte Bora Zemani, por vetë kjo e fundit e mohoi diçka të tillë para pak ditësh përmes një reagimi në rrjetet sociale.
Kështu, tashmë të gjithë besojnë se e ftuar në puntatën e parë të “M’lër të flas” do të jetë Fifi, pasi në një pyetësor të bërë në “Instagram”, këngëtarja është pyetur nëse e ka takuar Donaldin dhe ajo përgjigjet se është duke e pritur për një skeç prej 6 orësh.
Mesa duket, mes dyshes së ish-banorëve është menduar të luhet një skenë humori, si për t’ju përshtatur më së miri formatit të emisionit. Ndonëse të shumtë janë ata që e simpatizojnë Fifin, jemi të sigurt që shumë fansa do të jenë zemërthyer për faktin se nuk do të jetë Bora Zemani e ftuara e parë e Romeos dhe Donaldit.