“Momenti pothuajse ka ardhur. Unë kam arritur në fund të udhëtimit tim të shtatzënisë, e vetëdijshëme se ky do të jetë vetëm fillimi i asaj që do të jetë udhëtimi më i bukur, emocionues dhe serioz. Unë kurrë nuk kam folur për jetën private dhe si e tillë gjithmonë jam përpjekur të mbroj veten dhe fëmijën”.
Kështu hapet mesazhi i gjatë i Sara Scaperrotta, ish-partnerja e Nicololo Zaniolos e cila është afër lindjes së djalit të saj. Sara ka thyer kështu heshtjen, duke folur hapur për djalin e saj dhe marrëdhënien me lojtarin e Romës: “Me këtë vetëdije pas muajsh heshtje, kam zgjedhur të sqaroj disa gjëra, pasi është dëshira ime që djali im të lindë në klimë sa më të qetë.”
Sulmi ndaj Zaniolos: “Ai më bllokoi në rrjetet sociale dhe Whatsapp”
“Thomas është fryt i dashurisë së dy njerëzve. U kërkua me shumë dëshirë dhe u festua në një atmosferë gëzimi të përbashkët. Pastaj diçka ndryshoi dhe papritmas e gjeta veten duke ecur në këtë rrugë e vetme, pa mbështetje.” Modelja më pas sulmoi sulmuesin e Romës duke zbuluar: “Unë u përpoqa në disa raste ta përfshija atë por pa sukses, çdo përpjekje e imja për ta kontaktuar ishte e kotë, madje më bllokoi në rrjetet sociale dhe Whatsapp.
Unë u gjenda përpara një muri të fortë komunikues dhe emocional. Unë me të vërtetë shpresoj që muret të rrëzohen dhe se Nicolo më në fund të gjejë guximin të emancipojë veten dhe të tregojë ndjenjat e tij, duke hapur zemrën e babaitpër të shijuar të gjithë bukurinë që vjen nga të qenit prind “.
