TIRANA– Deputetja e Partisë Demokratike, Ina Zhupa ka reaguar pas lajmit për dorëheqjen e drejtorit të RTSH, Alfred Peza. Me anë të një postimi në rrjetet sociale Zhupa shkrian se kjo është fitore të një beteje për ligjshmëri për drejtimin e RTSH në shërbim të interesit publik. Ajo i bën thirrje Këshillit Drejtues, duke thënë se duhet të ngrihet në lartësinë e detyrës në zgjedhjen e drejtuesit të ri.
“Meqenëse herën e parë e tërhoqi, të dytën po ja nxjerrim me foto! Dorëhiqet Drejtori i paligjshëm i RTSH! Nuk dua të përsëris vetveten, por çlirimi i RTSH është një fitore e vogël e një beteje për ligjshmëri.
RTSH është aset publik që mbahet me taksat e shqiptarëve dhe duhet drejtohet në bazë të ligjit dhe në shërbim të interesit publik. Fatkeqësia ishte që ligji por edhe normat morale ishin zhdukur nga Peza. Këshilli Drejtues të ngrihet në lartësinë e detyrës në zgjedhjen e re”, shkruan Zhupa