Dorëhiqet trajneri i skuadrës matjane Dorjan Bubeqi

Tekniku i njohur Dorjan Bubeqi nuk do të jetë më tej në drejtimin e KF Burreli.
Ai erdhi pranë skuadrës verilindore në fazën e dytë të sezonit të fundit dhe dha maksimumin që skuadra e Burrelit të qëndronte në Kategorinë e Parë.
Në një deklaratë publike Bubeqi nuk e fsheh respektin dhe mirënjohjen për kryebashkiakun Malaj, zyrtarët e Klubit, lojtarët dhe tifozët e mirë të Burrelit.
“Faleminderit Burreli. Prania pranë fëmijëve mposhti dëshirën për të vazhduar me ju. Falenderim për të gjithë ju, Kryetarin e bashkisë Z. Agron Malaj, drejtorin, shefin e klubit, stafin dhe në veçanti tifozët e zjarrtë matjan. Nuk jeni më të mirët por më të mirë se ju nuk ka, faleminderit çuna. Mirë u takofshim në një të ardhme të afërt”, shkruan Dorjan Bubeqi.