Doreza të lehta që lejojnë prekjen e objekteve të botës virtuale.
”Në sajë të një rrjeti sensorësh, ato janë në gjendje të rindërtojnë ndijimet e sakta që do të kishit në botën reale.
Në këtë mënyrë do të lejojnë përdoruesit të marrin objekte virtuale dhe të ndërveprojnë me to”, sipas Institutit Korean të Shkencës dhe Teknologjisë, i drejtuar nga Kahye Song dhe të publikuara në revistën ”Scientific Reports”.
Dorezat mund të përshtaten në mjedise të ndryshme virtuale.
Ato bazohen në dy komponentë themelorë: sensorë, që ndjekin lëvizjet e duarve dhe gishtërinjve, dhe të ashtuquajturit aktuatorë. Këto të fundit janë mekanizma që përgjigjen me sinjale fizike si dridhja dhe presioni.