Doris Pack, presidentja e Forumit të Grave të PPE-së dhe një emër i njohur i politikës europiane ka dalë kundër kryeministrit Edi Rama, pasi ky i fundit publikoi videon e prindërve të 13-vjeçares që dyshohet se është përdhunuar në Kavajë nga 8 adoleshentë.
Pack reagon pas debatit të Ramës me deputeten Albana Vokshi, ndërsa shkruan se komentet e tij në rrjetet sociale nxisin dhunën ndaj grave.
“Komentet në rrjetet sociale të kryeministrit shqiptar Edi Rama që sulmojnë gratë politikane, nuk janë vetëm degraduese fyese dhe ofenduese për gratë, por nxisin dhunën kundër grave në një vend ku të drejtat e grave kërcënohen dhe shkelen çdo ditë!”, shkruan Pack.
