Në gjykatën e Krimeve të Rënda u përcaktua përmes shortit trupa gjykuese e dosjes “Balili”. Treshja do të kryesohet nga gjyqtarja Flora Hajredinaj dhe dy gjyqtarët Liliana Baku dhe Ardit Mustafai.
Mbi Balilin, i njohur si “Eskobari i Ballkanit” rëndon akuza e trafikimit të lëndëve narkotike e kryer në bashkëpunim, pjesëmarrje në grup të strukturuar kriminal, refuzim të deklarimin të pasurisë pranë ILDKPI dhe pastrim të produkteve të Veprës Penale. Ai kërkoi në seancën e masës përmes avokatit mbrojtës Theodhori Sollaku gjykim të shkurtuar. E nëse ai shpallet fajtor për të gjitha akuzat dhe dënohet me 7 vite burg me gjykim të shkurtuar, atij i ulet 1/3 e dënimit. Klement Balili u vetëdorëzua në polici mesditën e 15 janarit pasi qëndroi për rreth 3 vite në arrati.