Seanca gjyqësore për dosjen “Partizani” zhvillohet këtë të hënë, ku pritet të dëshmojë edhe ish-ministri i Mbrojtjes, Gazmend Oketa.
Oketa është thirrur si dëshmitar nga Prokuroria e Posaçme (SPAK) dhe pritet të japë shpjegime para trupit gjykues lidhur me rrethanat e çështjes.
Më herët, SPAK ka argumentuar se Gazmend Oketa, në cilësinë e ministrit të Mbrojtjes në atë kohë, ka firmosur një auditim që, sipas organit të akuzës, ka ushtruar presion ndaj Komandës Mbështetëse, e cila refuzonte klubin e futbollit “Partizani”.
Megjithatë, edhe pse në fashikull evidentohet ky fakt, nuk rezulton që pozita procedurale e ish-funksionarit të jetë në vështirësi.