Kryetari i grupit parlamentar të Partisë Socialiste, Taulant Balla ka sqaruar këtë të hënë për gazetarët, propozimet për ndryshimet ligjore, që prekin çështjen e fundit me Autoritetin e Dosjeve. Balla tha se nismat janë depozituar me qëllim heqjen e pengesave për shqyrtimin e pastërtisë së figurës të personave të cilët kanë mbajtur deri tani poste shumë të larta, duke mos përmendur emra.
“Në fund të korrikut është depozituar një nismë nga grupi i PS, për dy ndryshime në dy ligje, njëri për Autoritetin e Dosjes dhe një në lidhje me ligjin për zgjedhjet. Janë nisma që bazohen në propozimin e ardhur për të hequr çdo pengesë dhe për të hedhur dritë mbi personat që zgjidhen apo emërohen.
Për të hedhur dritë mbi pastërtinë e figurave, nisur nga rasti i evidentuar tashmë për një politikan të nivelit të lartë që ka mbajtur pozicione shumë të rëndësishme në Shqipëri dhe që mbi këtë politikan kanë rezultuar dokumente të reja shtesë e ekzistojnë disa pengesa nga ligji aktual për vijimin e shqyrtimit.
Nuk ka pse më akuzon as mua dhe as kryeministrin. Kjo është një çështje që është shumë e qartë, gërdufja dhe dalja nga vetja të konfirmon se fakti që je kaq i emocionuar dhe kaq i mbushur një gjë e ke, se nuk je kot”.