Peticioni “Drejtësi për Jonadën”, vjen si një tjetër formë proteste qytetare pas dy protestave të shoqërisë civile në Tiranë, gjatë të cilave u kërkua drejtësi për 7-vjeçaren e cila humbi jetën nga goditja fatale me skaf në plazhin ku po pushonte me familjen.
Pas Shkodrës, sot peticioni u nënshkrua nga edhe nga qytetarë të Durrësit në mbështetje të nismës për mbajtjen e përgjegjësisë dhe shkarkimin e titullarëve të ministrive përgjegjëse për sigurinë e jetës dhe zbatimin e ligjit.
Qytetarët kërkojnë shkarkimin e ministrit të Brendshëm, Blendi Çuçi të Turizmit, Mirela Kumbaro, si edhe të drejtorit të Policisë së Shtetit, Gledis Nano.