Udhëheqja e re e instaluar nga Rusia e rajonit ukrainas të Khersonit planifikon të bëjë një kërkesë zyrtare për t’u bërë pjesë e federatës ruse.
“Autoritetet e rajonit Kherson do t’i bëjnë thirrje Presidentit të Rusisë me një kërkesë për të përfshirë rajonin në Rusi”, thuhet në një deklaratë në një kanal të ri Telegram, i cili duket se është i lidhur me administratën pro-ruse.
Njoftimi u raportua menjëherë nga media shtetërore ruse. Apeli i atribuohet Kirill Stremousov, zëvendëskryetari i sapoemëruar i administratës ushtarako-civile në Kherson.
Në fundjavë, Stremousov tha se “qytetarët që banojnë në rajonin Kherson do të kenë të drejtën të marrin nënshtetësinë ruse”.
“Ne nuk po planifikojmë referendume dhe nuk po planifikojmë krijimin e republikave,” tha ai.
“Po flasim për faktin se do të integrohemi sa më shumë në Federatën Ruse sipas të gjitha mundësive që kemi.
“Dhe të gjithë ata qytetarë që janë në territorin e rajonit Kherson do të kenë të drejtën të marrin nënshtetësinë ruse dhe pasaportat ruse.”