Policia e Tiranës dje shkatërroi një grup kriminal që shpërndanin lëndë narkotike kokainë, heroinë dhe kanabis, dhe ata kishin kodet e tyre të komunikimit për të mos rënë në sy. Disa nga kodet që ata përdornin ishin: Vëllai i madh, vëllai i vogël dhe pluhur zane referuar kokainës apo edhe seqe referuar kanabisit që korrespondojnë me lëndën narkotike që ata shpërndanin.
Vëllai i madh dhe vëllai i vogël lidhet me sasinë e kokainës që do të shpërndahej nga personat e përfshirë. Policia dhe prokuroria ka administruar dhjetëra telefonata për të siguruar fillimisht deshifrimin e kodeve dhe më pas sigurimin e provave për veprimtarinë kriminale.
Zona kryesore e shpërndarjes ishte rreth e përqark gjimnazit “Petro Nini Luarasi” dhe lokaleve përreth. Një pjesë e mirë e anëtarëve të grupeve ishin më herët të skeduar, por për shkak të mungesës së provave nuk ishin arrestuar.