Drejtuesja politike e PD-së për Disaporën, Jozefina Topalli e pranishme në protestën në Bulevardin ”Zogu I”, e pyetur nëse Sali Berisha duhet të japë dorëheqjen si kryetar i PD-së, tha se në gjendjen ku ndodhen nuk duhen marrë vendime të nxituara politike.
”Rezultati i këtyre zgjedhjeve më kujton një rezultat të 2001 kur ishte fenomeni i Dushkut, ku nga një zonë kanë dalë 12 deputetë dhe kujtoj se pas kësaj njerëzit ishin shumë të dëshpëruar.
E rëndësishme është për të mos marrë vendime të nxituara në kohë kur je i mërzitur, si për jetën ashtu edhe për politikën. Përpara se të bënit këtë pyetje ju thashë një gjë. Në momente të vështira mërzie, vendimet duhet t’i lësh në një moment kur të jesh më i qetë për të mos gabuar”,-tha Topalli.