Kryetari i Ambjentalistëve Agron Duka tha gjatë një interviste se subjekti që ai drejton nuk do të mbështesë në zgjedhjet e pjesshme lokale as Bashën dhe as Berishën.
“Unë, tha Duka, jam konsultuar edhe me strukturat e PAA-së që në këto zgjedhje të mos mbështesim as PD-në dhe as grupin e Rithemelimit. Nuk duam të ndikojmë në përçarjen e mëtejshme të Partisë Demokratike”.
Agron Duka tha se ende nuk ka pasur bisedime për zgjedhjet lokale të 6 marsit.
Ndërsa kryetari i republikanëve Fatmir Mediu ka shprehur idenë e një tryeze të partive opozitare.