Kryetarja e Komisionit për Çështjet Sociale, deputetja demokrate Grida Duma në mbledhjen e sotme ka debatuar me zv.ministrin e Infrastrukturës Ilir Bejtja lidhur me aktin normativ që ka sjellë qeveria për të rimbursuar kompanitë që kryejnë punë publike.
Grida Duma: Sipas BIRN, tetë nga kompanitë që kanë përfituar tendera në prokurimet e rindërtimit janë me pronarë të inkriminuar. Po avantazhoni njerëz me rekorde kriminale? Duam fatura financiare.
Ilir Bejtja: Sa i përket inkriminimit duhet t’i drejtojmë pyetje Prokurorisë. Nuk i kam këto informacion.
Grida Duma: Ua them unë, janë tetë pronarë në hetim.
Ilir Bejtja: Nuk kam informacion. Nuk kemi nga prokuroria apo SPAK që tetë prej këtyre kompanive janë me pronar të inkriminuar.