Deputetja e PD-se Grida Duma, në fjalën e saj në seancën e kësaj të enjte në Kuvend, kundërshtoi aktin normativ për kompensimin e çmimeve të materialeve të ndërtimit, duke akuzuar qeverinë se nëpërmjet këtij akti po favorizon kompanitë më të mëdha që e kanë tregun e sigurt. Sipas saj PS-ja do aprovojë një akt normativ që privilegjojnë të pasurit. Demokratja shtoi edhe se ky akt favorizon ato kompani ndërtimi që ulen me kryeministrin Edi Rama në tavolinë.
“Emrin e kontratave nuk na e keni thënë, thoni 300, kam bindjen se janë 30 të rëndësishme, kur i pyet nëse ky kompensim do i shkoj punëtorëve, jo thonë. Po kjo paga që nuk është indeksuar, që marrin pagë mjerane, po ju që nuk vini kurrë për të folur për minimin jetik, flisni për paketa 30 mijë lekë të vjetra në muaj. Komisioni për dhënien mendim jepte mendim pasi ishte marr vendimi. Miratojnë se jua japim informacion pastaj deputetët të rrinë në terr.
Keni ardhur të voton më të pasurit, më të privilegjuarit, kjo ju bën autokratët e tranzicionit. Mos i nxirrni nga xhepi, ca keni dhënë, i merrni nga buxheti. Ata që i marrin paratë dhe zotërojnë 90% të pasurisë dhe i çojnë në offshore.
Duhet ndërtuar mirëqenia në këtë vend, por si ekonomi tregu, keni rrit ndërtimet me 51% të lekëve të zeza. Më të madhe peshë të TVSH ua ka dhënë energjia. Që ju s’jeni as të majtë e të djathtë, por votojnë sot për ata 10 që do ua sillni kështu në rresht, harrojeni se do ju respektojnë kur u vënë në rresht se kanë bërë marrëveshje me njërin”, tha Duma.