Nënkryetari i PD-së, Luçiano Boçi është përplasur me drejtuesen e emisionit Top Story, Grida Duma për primaret e mbajtura në Partinë Demokratike. Ai u shpreh se me mbajtjen e primareve është idealizuar një proçes konkret politik.
Boçi: Është idealizuar një proçes konkret politik, jam për të mbrojtur një proçes të PD-së, të një mbështetësi të primareve. Pati primare në Elbasan, konsensusi politik në shërbim të një ambienti politik më pozitiv është pjesë e reagimeve që i gjejmë edhe sot, duhet të heqim nga fjalori që nuk u bënë primare.
Duma: Primare është kur zgjidhet njëri përkundrejt të tjerëve, kjo është logjika meritokratike, zgjidhet më i miri.
Boçi: Të bësh sfidën me veten tënde është paksa dhe e hidhur.
Duma: Ju keni bërë debat dhe kundër debat me vetveten.
Boçi: Debat jo me hijen time, e kam pas të vazhdueshëm siç e kam pas të instaluar përgjatë gjithë jetës politike me anëtarin e partisë politike dhe pjesën e qytetarëve. Kjo nuk do të thotë që unë po rris shkallët e meritës së primareve, por thjesht po konceptoj që s’mund të jem unë argumenti që sillni këtu që s’u bënë primaret. Pse të sillemi sikur se dimë, janë një proçes zgjedhor.