Në fjalën e saj në seancën e kësaj të enjte në Kuvend, deputetja demokrate Grida Duma, tregoi bisedën me një zv.ministër, që e kishte pyetur nëse ja del të jetojë me 110 mijë lekë në muaj, dhe si përgjigje kishte marrë vetëm heshtjen.
“Ju vini në çdo komision e në çdo dalje në parlament e thoni I kemi bërë të gjitha. A mund t’ia dalë një person me 110 mijë lekë të vjetra? E pyeta zëvendës ministrin e vetëm uli kokën. Në vitet ‘90 pamjet e Shqipërisë me anijet të mbushura plot që udhëtonin jashtë vendit, njerëzit qanin. Tashmë ikin me qejf nga Shqipëria. Në Francë me 9 euro një student shëtit gjithë Parisin, ka kartë studenti. Analiza thotë se minimalisht një student në Shqipëri i duhet 510 euro për të jetuar tamam. Vela më e madhe e anijes së Shqipërisë është rinia. Ju e keni çuar velën jashtë vendit prandaj anija e Shqipërisë nuk funksionon dot”, tha Duma.