E pranishme në mbledhjen e sotme, kryetarja e Komisionit të Çështjeve Sociale, Grida Duma ka akuzuar mazhorancën se me paratë e buxhetit të shtetit po kompenson kompanitë që opozita i quan oligarkë dhe ka harruar qytetarët që po përballen me rritjen e çmimeve të ushqimeve dhe karburanteve.
“Po përdorni paratë e buxhetit për të kompensuar kompanitë që janë rankuar si oligark. Kush janë kompanitë që fitojnë. Ku bazohet që propozohet me VKM që të kompensohen disa kompani dhe cilat jo. E dyta ju thoni se janë rritur por rruga Kardhiq-Delvinë nisi me 50 dhe përfundon me 180 milIonë. Këto janë kompani që marrin 99.9 të fondit limit.
Vezët, vaji është rritur 200% por ju nuk i shpërndani lekët për qytetarët. Ne me 400 milion euro shtesë nga taksat po ja çojmë Gjokës e Salillarit. Ka shkuar shteti që tu thotë se e ke në kontratë marzhin e rriskut. Po kur ulen çmimet i kërkoni ju lekë? Anti kushtetuese është që të bëhet një akt me prapaveprim. Keni shkuar ndonjëherë të kërkoni lek se ka qenë çmimet e ulta?”.