Presidenti i Turqisë, Rexhep Tayyip Erdogan vijon deklaratat kërcënuese në drejtim të Greqisë. Në një komunikim për mediat, lideri turk theksoi se durimit mund t’i vijë fundi.
Nga Bosnja e Hercegovina ai përsëriti kërcënimet.
“Ata kanë ishuj, kanë baza në ato ishuj dhe nëse vazhdojnë kërcënimet e tyre të paligjshme, durimi ynë do të mbarojë. Ajo që po ju them nuk është fantazi. Kur themi mund të vijmë brenda natës, kur të vijë koha do të vijmë brenda natës”, theksoi ai.
“Greqia do të vendosë se çfarë marrëdhënie do të ketë me Turqinë duke menduar më mirë. Unë gjithmonë them se mund të vijmë papritur një natë ”, shtoi Erdogan.
Mediat greke shkruajnë se Erdogan nuk i ndal deklaratat provokuese dhe se brenda pak orësh kërcënon sërish.