Një sasi e vogël e dyshuar lënde eksplozive është gjetur e pashpërthyer në orët e para të mëngjesit pranë derës së një dyqani në pronësi të këngëtarit Rigels Rajku, i njohur si Noizy, në zonën e Plazhit në Durrës.
Sipas Policisë, ngjarja është regjistruar në lagjen nr. 13, ku pranë derës së biznesit është konstatuar lënda e dyshuar eksplozive.
Pas marrjes së njoftimit, në vendngjarje kanë shkuar shërbimet e Policisë dhe grupi hetimor, të cilët kanë nisur veprimet për zbardhjen e plotë të rrethanave të ngjarjes.
Grupi hetimor po punon gjithashtu për identifikimin dhe kapjen e autorit ose autorëve të dyshuar.