500 mijë euro të padeklaruara janë kapur mesditën e kësaj të premteje në Portin e Durrësit.
Sasia e parave ishte fshehur në tavanin e një autobusi të linjës Bari-Durrës.
Autobusi mbërriti nga qyteti i Barit dhe gjatë kontrollit të policisë kufitare janë gjetur paratë e fshehura në pako të ndryshme brenda strukturës metalike të autobusit.
Policia ka ndaluar drejtuesin e mjetit, teksa vijon numërimi për të dalë në një shifër konkrete lidhur me paratë e gjetura.