Negociatorët e deleguar për të zgjidhur ngërçin politik në Shqipëri, eurodeputeti Knut Fleckenstein dhe zyrtari i PPE, David McAllister kanë përfunduar takimin në selinë blu me kreun e PD-së, Luzlim Bashën.
Takimi, i cili zgjati afro një orë dhe erdhi pas takimit që dy eurodeputetët patën në Kryesinë e Kuvendit me kreun e qeverisë, Edi Ramën dhe atë të Kuvendit, Ilir metën. Edhe pse takimet kanë qenë me dyer të mbyllura, mësohet se dy eurodeputetët kanë shpalosur një zgjidhje sesi palët mund të dalin nga ky ngërç politik, edhe pse opozita deri më tani nuk është tërhequr nga kërkesat e saj.
Ndërsa kreu i qeverisë Rama së bashku me atë të Kuvendit janë treguar të hapur për tu ulur dhe diskutuar me opozitën. Flitet për mundësin e një takimi tri palësh “Rama-Meta-Basha” në Pallatin e kongreseve, por deri më tani s’ka asnjë sinjal nga kampi blu. Në fund të ditës së sotme dy erudeputetët kanë parashikuar edhe një konferencë për shtyp për të treguar ndoshta gjithë ecurinë e negociatave të sotme. /TiranaNews/