Tërmeti i pak ditëve shkaktoi dëme në dy pallate në kryeqytet, për të cilët është marrë vendimi i formës së prerë për prishjen e tyre.
Sipas kërkesës së Drejtorisë së Emergjencave Civile, dy pallatet njëri prej të cilëve në njësinë Administrative numër 2 dhe një tjetër në Njësinë numër 5 do të prishen plotësisht për t’u rindërtuar nga e para.
Për këtë ka nisur evakuimi i banorëve, por është hapur edhe në kundërshtime nga ana e tyre. Një pjesë e banorëve nuk pranojnë të strehohen përkohësisht në qendrat sociale të Bashkisë.
Por, Policia Bashkiake ka bërë rrethimin e zonës dhe në pak ditë dy pallatet me rrezikshmëri të lartë për shkak të shtesave pa asnjë kriter do të shemben plotësisht.
Nuk dihet, sesi do të veprojë bashkia për ndërtimin e saj, duke e bërë këtë me fondet e saj për emergjencat, apo do të operohet me kompani private, sikurse është kërkuar ndihma e tyre në rastet e shtëpive të tjera në shumë zona të Tiranës.
