Përveç Asamblesë Rinore Islamike në Shkup, gjykata penale e Kajros ka shpallur organizatë terroriste edhe Al-Mustaqbal Cultural Association Albania.
Në Shqipëri njihet si Shoqata Kulturore “Ardhmëria”.
Është një organizatë joqeveritare me seli në Tiranë, e fokusuar në edukimin islamik dhe aktivitetet komunitare. Kjo organizatë, përveç kryeqytetit, shtrihet edhe në zona të tjera të vendit, si në Kamëz, Fushë-Krujë, në Durrës, Vlorë, Maqellarë, Postribë.
Ajo është themeluar në vitin 2001 nga të rinjtë myslimanë shqiptarë dhe, sipas informacioneve në rrjetet e saj sociale, synon të edukojë komunitetin mysliman në Shqipëri përmes mësimdhënies fetare dhe programeve rinore.
Shoqata u pyet nga ABC News rreth vendimit të gjykatës penale të Kajros për shpalljen organizatë terroriste dhe tha se nuk ka dijeni. Ndërkohë, refuzoi të tregonte burimin e financimit të saj, duke thënë se përbën sekret.
Policia shprehet se po verifikon veprimtarinë e kësaj organizate. Por, nëse një shtet e lidh atë me terrorizmin, akuza është e tillë që nuk mund të neglizhohet nga vende të tjera.
Përveç Maqedonisë së Veriut dhe Shqipërisë, edhe në Kosovë është shpallur organizatë terroriste një shoqatë. Ajo është Fondacioni Kulturor për Shkencë dhe Komunikim. Qendra e saj është në Ferizaj