Në grupin prej 125 të burgosurish të pëzgjedhur si më famëkeqët nga mediat britanike janë edhe 2 shqiptarë për vitin 2018. Të gjithë të burgosurit kanë qenë pjesë e një shkrimi, ku historitë e tyre janë përmbledhur dhe ku ata kanë marrë dënime për disa vepra penale në pjesën lindore të Anglisë, saktësisht në Cambridgeshire.
Duket se rreth 120 të dënuar do të kalojnë shumë vite pas hekurave pasi veprat e tyre janë cilësuar si të rënda. Disa nga veprat për të cilët autorët janë dënuar kanë të bëjnë me vrasjet, abuzimi me fëmijët, shantazhi seksual, dhunë, kërcënim si dhe prodhim lëndësh narkotike.
Dy shqiptarët u arrestuan dhe u burgosën për prodhim të lëndëve narkotike. Ata janë Esmerald Jahelezi, 29 vjeç dhe Andrilon Mehmetaj, 31 vjeç, nga Shqipëria, të cilët u shpallën fajtorë për prodhimin e kanabisit pasi policia bastisi fabrikën në fillim të 2018.
Gjykata britanike vendosi që Esmeralsd Jahelezi të dënohej me dy vite burg, kurse Andrilon Mehmetaj me 12 muaj. Pasi të vuajnë dënimin, autoritetet britanike do të dëbohen për në Shqipëri. Prokurori i çështjes Gregory Wedge tha se shqiptarët mbanin në fabrikë 443 bimë kanabisi, me një vlerë maksimale prej 177,000 mijë paundësh.
