Stuhia që goditi Zagrebin ka lënë pas dy viktima, raportojnë mediat kroate.
“Dy burra humbën jetën si pasojë e rënies së pemëve. Ata kishin marrë lëndime të shumta në kokë”, njoftoi Instituti i Trajnimit të Mjekësisë Emergjente të qytetit të Zagrebit.
Ky institut ka shtuar se po bëhen specifikime, por se në të gjithë qytetin ka një numër të madh të të lënduarve.
“Qendra e qarkut 112 Zagreb ka vështirësi në komunikimin me shërbimet emergjente dhe komunale për shkak të numrit të madh të thirrjeve në një kohë të shkurtër (mbi 700 thirrje në 45 minuta)”, ka njoftuar Drejtoria e Mbrojtjes Civile e këtij qyteti.