Udhëheqësi i Grupit Wagner, Yevgeny Prigozhin, ishte në listën e pasagjerëve të një avioni që u rrëzua në rajonin Tver të Rusisë të mërkurën.
Zëdhënësja e Këshillit të Sigurisë Kombëtare të Shtëpisë së Bardhë, Adrienne Watson, tha në një deklaratë se zyrtarët po vëzhgonin raportet për rrëzimin e avionit.
“Nëse konfirmohet, askush nuk duhet të habitet. Lufta katastrofike në Ukrainë çoi në marshimin e një ushtrie private drejt Moskës dhe tani — me sa duket — në këtë,” tha ajo.
Në të njëjtën kohë, theksohet se presidenti i SHBA, Joe Biden është informuar për rrëzimin e avionit në Rusi, sipas Shtëpisë së Bardhë.