Administratori i një poste private është vënë në pranga, ndërsa një tjetër administratore e një poste private u shpall në kërkim nga policia e Tiranës, gjatë një operacioni të koduar “Pakot postare”.
Blutë kanë sekuestruar 260 pako dhe 46 thasë me mallra të ndryshme (veshje, produkte kozmetike, medikamente mjekësore, pajisje elektronike etj)., gjatë kontrollit të magazinave të postës në administrim nga shtetasi A. Sh., në Linzë.
Gjatë kontrolleve u gjetën edhe disa pako me logon e një poste tjetër, të papajisura me fatura apo deklarata doganore dhe u shpallën në kërkim administratorja e kësaj poste, shtetasj A. Gj. Nga veprimet hetimore dyshohet se mallrat e sekuestruara janë futur kontrabandë në Shqipëri.