Policia italiane ka arrestuar autorin e dyshuar për vrasjen e tre prostitutave në Romë, dy prej të cilave u gjetën të pajeta në një apartament, ndërsa një tjetër u gjet e vrarë në një zonë aty pranë.
Ngjarja shkaktoi një panik tek banorët e zonë të cilët dyshonin se në lagje qarkullonte një vrasës serial.
Në pranga përfundoi 51-vjeçari Giandavide De Pau, i cili ishte filmuar nga kamerat e sigurisë duke hyrë në pallat. Ai ishte akuzuar dhe më parë për ngacmime seksuale. I dyshuari raportohet si anëtar i klanit mafioz të drejtuar nga Michele Senese, që po kryen aktualisht dënim të përjetshëm për krimet e bëra. De Pau besohet se ka qenë një bashkëpunëtor i ngushtë i Senese, duke vepruar si shofer dhe krahu i tij i djathtë.
Nuk dihet nëse autori ka vepruar i vetëm apo për llogari të bandës kriminale së cilës i përkiste.