Lionel Mesi lëshoi një “bombë” në ditën e djeshme teksa njoftoi se do të largohet nga Barcelona menjëherë duke mos respektuar edhe vitin që i ka mbetur në kontratë. Argjentinasi njoftoi drejtuesit katalanas se kërkon të aktivizojë klauzolën e cila e lejon të largohet me parametër zero. Në këtë mënyrë, një sërë klubesh janë vënë tashmë në garë për shërbimet e “pleshtit”.
Ndërkohë, e ardhmja e Mesit ka përfunduar edhe në kompanitë e basteve të cilat kanë nxituar ta kuotojnë atë. Sipas “Betfair”, pretendentët për sulmuesin janë Mançester Siti. Anglezët kuotohen me koeficientin 1.5, ndërsa pas tyre në kuota të barabarta 3, janë PSG dhe Inter.
Në vendin e katërt si favorit për shërbimet e Juventus është Juventus me koeficientin 4.5 dhe më pas Mançester Junajtid me 6.5. Në vazhdim janë klubet e MLS, Liverpul, Lids, klubet argjentinase, Bajern Mynih dhe vetëm në fund Real Madrid me koeficientin 150.
Koeficientët e klubeve për të nënshkruar me Mesin sipas “Betfair”:
– Mançester Siti 1,5
– Inter dhe PSG 3
– Juventus 4
– Mançester Junajtid 6,5
– Klub nga MLS 12
– Liverpul 14
– Lids 20
– Klub argjentinas 25
– Bajern Mynih 35
– Çelsi 50
– Lacio 100
– Njukasëll 100
– Napoli 125
– Real Madrid 150