E bija e bosit të mafies greke i cili u vra në mënyrë makabre diku rreth mesditës së datës 25 prill teksa ndodhej në prani të familjes së tij, ka folur në një rrëfim për protothema për çastet e llahtarshme që përjetoi dje ajo dhe gjithë të afërmit e saj që ndodheshin aty.
Në rrëfimin e saj, Katerina Skaftourou tha se të paktën 3 persona hynë në oborrin e shtëpisë së tyre për të eleminuar të atin e saj dhe këdo tjetër që do i’u dilte para atyre, ndërsa i përshkroi vrasësit si persona shumë gjakftohtë.
“Pashë 3 persona me kallashnikov. Nëna ime thotë se ishin 4 persona . Ishim në panik. Nuk dëgjuam asnjë motor. Ata u hodhën nga gardhi, na thanë ‘uluni poshtë’ dhe bërtitën Gianni, Gianni. Nëse nuk do ta gjenin do të na vrisnin të gjithëve. Erdhën për të vrarë pa menduar për humbje të tjera”, tha Katerina, ndërsa thekson se në ato sekonda dramatike pranë të atit ishte edhe nipi i saj 3 vjeçar .
Po ashtu, ajo shprehet se gjithçka ka ndodhur në më pak se një minutë, ndërsa plumbave të ekzekutorëve nuk i kanë shpëtuar as motra e saj, e as vjehrri i vëllait.
“Gjithçka ndodhi në 30 sekonda. Lur babai i pa ata, u ngrit nga karrigia, u largua nga ne dhe ata e vranë . Asnjëri prej nesh nuk iu kundërpërgjigj zjarrit të autorëve. Në fillim menduam se ishin oficerë policie”, u shpreh vajza e biznesmenit 55-vjeçar i cili mbeti i vrarë.
Më tej, ajo shton se as vëllezërit e saj, që ishin 500 metra larg shtëpisë , nuk panë asnjë lëvizje të dyshimtë motori në momentin e ekzekutimit.