Lamine Yamal vijon të jetë në qendër të vëmendjes së mediave dhe tifozëve, jo vetëm për paraqitjet e tij në fushë, por edhe për jetën private.
Së fundmi, në rrjetet sociale janë bërë virale disa fotografi ku e dashura e talentit spanjoll shfaqet me dy varëse që kanë tërhequr menjëherë vëmendjen e fansave.
Njëra prej varëseve mban inicialet “LY”, ndërsa tjetra ka të gdhendur numrat 10, 19, 27 dhe 41, që përkojnë me të gjithë numrat që Lamine Yamal ka mbajtur në fanellë gjatë karrierës së tij deri më tani.
Ky detaj është interpretuar nga ndjekësit si një shenjë e fortë mbështetjeje dhe afeksioni ndaj futbollistit të Barcelonës, duke bërë që imazhet të përhapen me shpejtësi në platformat sociale.
Nga ana tjetër, edhe vetë Yamal ka tërhequr vëmendje me aksesorët e tij gjatë mbërritjes në Kupën e Botës. Futbollisti u pa me dy zinxhirë të veçantë: një të frymëzuar nga festimi i tij ikonik “304” dhe një tjetër me logon e personazhit të njohur Batman.
Pamjet kanë gjeneruar reagime të shumta në internet, ku shumë tifozë e kanë cilësuar çiftin si një nga më të komentuarit dhe më simpatikët e momentit në botën e futbollit.
