E ngarkuara me punë e SHBA-së në Tiranë, Nancy VanHorn, zhvilloi një takim me ministrin e Shtetit për Marrëdhëniet me Parlamentin, Taulant Balla, për të diskutuar mbi prioritetet legjislative të Shqipërisë.
Takimi u përqendrua në fushat thelbësore që ndihmojnë në përmirësimin e transparencës, llogaridhënies, qeverisjes dhe angazhimit publik në vend.
”E Ngarkuara me Punë e SHBA, Nancy VanHorn u takua me Ministrin e Shtetit për Marrëdhëniet me Parlamentin, Taulant Balla, për të diskutuar mbi prioritetet legjislative të Shqipërisë. Duke i trajtuar këto fusha thelbësore së bashku, ne sigurojmë transparencë, llogaridhënie, qeverisje më të mirë dhe angazhim publik”, shkruan ambasada amerikane në Facebook.