Një 31-vjeçar është arrestuar nga policia pasi ka tjetërsuar dhe përdorur një telefon edhe pse e dinte se i ishte vjedhur një vajze.
Sipas burimeve zyrtare ndaj tij rëndon akuza e pastrimit të produkteve të veprës penale.
“Specialistët për Hetimin e Krimit në Komisariatin e Policisë Nr. 1 arrestuan në flagrancë, për veprën penale “Pastrimi i produkteve të veprës penale ose veprimtarisë kriminale”, shtetasin E. P., 31 vjeç, pasi ka fshehur, ka tjetërsuar dhe ka vënë në përdorim një aparat celular që i përkiste shtetases M. K., edhe pse kishte dijeni se një person i njohur ia kishte vjedhur kësaj shtetaseje”, thotë policia.