Rudina Hajdari ka reaguar pas vendimit të dhënë nga KPK për shkarkimin si gjyqtare të nënës së saj Fatmira Hajdari, për shkak të mosjustifikimit të pasurisë.
Hajdari tha se të gjithë ata që iu sulën si ujqër duke thënë se qëndroi në Kuvend për të mbrojtur nënën e saj e kanë marrë sot përgjigjen.
“Dita e sotme ka filluar me një lajm për familjen time dhe padyshim shumë njerëz jashtë kësaj sallë që më janë hedhur si ujqër duke thënë që unë ndenja në Kuvend për të mbrojtur time më, sot e morën përgjigjen. Unë besoj te reforma ne drejtesi dhe nëse e them për time më, e them për cdo gjyqtar dhe do ta mbështes reformën deri në fund se shkoj përtej interesave të familjes sime”- tha ajo.