Pas 4 ditëve bojkot si përgjigje kundër hartës së re gjyqësore, kjo e hënë ka nisur po me bojkot nga ana e avokatëve në Korcë, që do të zgjasë përgjatë gjithë javës.
Kreu i Dhomës së Avokatisë Arben Lena, thotë se avokatët nuk do të marrin pjesë në seancat gjyqësore të proceseve penale, civile, administrative si dhe të gjitha llojet e veprimeve hetimore përgjatë kësaj jave.
Por nga bojkoti përjashtohen vetëm masat e sigurisë, për të cilat Dhoma e Avokatisë do të diskutojë dhe marrë një vendim në ditët në vazhdim.
Gjykata e Shkallës së Parë, Apeli dhe Gjykata Administrative çdo ditë zhvillojnë nga 50 deri në 60 senaca gjyqësore.