Kryeministri izraelit Naftali Bennett është detyruar që të braktisë mbledhjen e kabinetit qeveritar të Dielën për t’u izoluar në shtëpi, pasi vajza e tij rezultoi pozitive me koronavirus.
Sipas mediave vendase, vetë Bennet rezultoi negativ me testin rapid që bëri mëngjesin e së dielës, por për shkak të masave aktuale në këtë shtet ai duhet të vetëizolohet në shtëpi, i ndarë nga vajza 14-vjeçare.
Ai planifikon të rikthehet në punë pasi të marrë përgjigjen negative të testit PCR. Edhe ministrja e Edukimit Yifat Shasha-Biton u karantinua pasi vajza e saj po ashtu rezultoi pozitive.
Deri në rikthimin në zyrë të kryeministrit mbledhjet e kabinetit qeveritar po i drejton Ministri i Drejtësisë. Bennett zëvendësoi në këtë post Benjamin Netanyahun, në Qershor të këtij viti, pas një marrëveshje mes disa partive opozitare.