Kabir Bedi, aktori indian mjaft i njohur me filmin e Sandokanit të vitit 1976, ka dhënë disa detaje për skenën e famshme të duelit të tij me tigrin, në një intervistë për “Dee Notte”.
“Ti je një njeri shumë inteligjent(drejtuesit të radios). Më thuaj diçka? Është e mundur që një njeri të hidhet mbi një tigër dhe të mbijetojë? Nuk është e mundur të ndeshesh me tigrin. Është bërë në mënyra të tjera e teknika të tjera, siç ne kemi bërë këtë skenë. Më mirë mos ta shpjegoj, e rëndësishme është të mbani mend iluzionin. Ndonjëherë është mirë mos t’i përgjigjesh disa pyetjeve për të ruajtur një moment shumë të veçantë, ikonike”, ka rrëfyer aktori Bedi.
Aktori ndodhet në Itali për një event, pasi merret me fëmijët e braktisur në Indi, për të cilin është ambasador. Ai ka rrëfyer se rreth viteve ’60 është detyruar të punojë në radio në Indi për të dhënë lajmet, për të mbuluar shpenzimet e tij universitare, pasi familja nuk e kishte mundësinë.