Teksa Hollywood vitet e fundit është tronditur nga skandalet seksuale, edhe në Shqipëri ka denoncime nga aktoret.
Aktorja e humorit Cubi Metkaj, ka zbuluar gjatë emisionit “Zemër Luana” një episod aspak të këndshëm të karrierës së saj. Rudina Dembecaj i kujtoi një deklaratë që Cubi kishte bërë kohë më parë se i kishin ofruar një projekt kundrejt raporteve seksuale.
“Sot duam të zbulosh emrin e personazhit apo regjizorit që të ka ngacmuar shumë pak seksualisht”, i tha Dembecaj aktores. Cubi fillimisht hezitoi për t’a nxjerrë emrin, por në fund “u dorëzua”. “Përderisa nuk e kam thënë më parë këtë emër…ok, ok do ta them. Është regjizor filmi, është Xhoslin Rama”.
Përmendja e emrit të regjizorit nga Cubi u shoqërua me duartrokitje mbështetëse.