Ish-futbollisti i Kombëtares, Klodian Duro, ka reaguar për herë të parë pas përjashtimit nga “Big Brother Vip” mesditën e sotme, për shkak se e konsideroi si akt “krenarie” dhunën ndaj ish-bashkëshortes së tij, duke kërcënuar në të njëjtën mënyrë edhe banorët e tjerë të BBV.
Në një postim në rrjetet sociale, Klodian Duro pranon se deklarata ishte e gabuar dhe që i kishte lënë vend keqinterpretimit, teksa pretendon se e kishte nisur si ironi. Gjithashtu, ai i kërkon ndjesë publikut dhe i uron suksese banorëve.
Lexo edhe :
Related Posts
“Une, Klodian Duro, ju njoftoj qe rrugetimi im ne Big Brother VIP eshte nderprere sot. Shkak eshte bere nje deklarate e gabuar, nisur si ironi, e tepert tani qe e shoh me ftohtesi dhe qe i le vend keqinterpretimit. Me vjen keq qe nuk arrita dot te percillja mesazhet e duhura tek te cilat besoj vertete dhe do t’i deshmoja gjate qendrimit ne shtepine e Big Brother. Nje ndjese shume e sinqerte i shkon publikut dhe u uroj suksese te gjithe banoreve!” – shkruan Klodian Duro.
Kujtojmë se mbrëmë, pas prime-t, Klodiani, në një bisedë me banorët tha: “Ruhuni nga unë se kur kam rrahur gruan a e di si më dukeni ju. Po i futa dhe një gotë raki, se kam kohë pa e provuar.”.
“Asnjëherë vëlla, larg qoftë. Nuk je ti ai. Kurrë nuk je ti ai. Unë e di që s’je ti ai. Harroje atë, ndërro muhabet, mos ta dëgjoj më”, iu drejtua Meritoni, por ish-futbollisti vazhdonte me deklaratën ku pohonte se ka ushtruar dhunë fizike ndaj bashkëshortes.