Një 101-vjeçare ka firmosur kontratë tre vjeçare me aeroportin e Torontos për ta menaxhuar dhe drejtuar atë.
101-vjeçarja Hazel McCallion sjell një frymë “të freskët” në menaxhimin e aeroportit të Torontos në Kanada. E moshuara nuk është e panjohur në vend pasi deri në vitin 2014 ishte kryebashkiake e Mississauga. Kur dha dorëheqjen nga posti, ajo ishte 93 vjeç.
E ndërsa shumica e njerëzve të moshës së saj po tërhiqen për të shijuar një jetë të qetë, “uragani” Hazel jo vetëm që nuk pranon që vitet kanë kaluar, por vazhdon të ofrojë shërbimet e saj në vendlindje. Në vitin e saj të njëmbëdhjetë, ajo nënshkroi një kontratë trevjeçare për të marrë detyrën si drejtore e zonës më të madhe të Aeroportit të Torontos.
Sipas The Guardian, ministri kanadez i Transportit, Omar Algabra, përgëzoi Hazel McCallion për dyzet vjet punë sociale dhe shtoi se e ardhmja e saj është “të mbikëqyrë dhe udhëheqë aeroportin më të madh të Kanadasë”.
Gjatë ditëlindjes së saj të 100-të, kryeministri i Ontarios Doug Ford e përshkroi McCallion si “Imazhi i Kanadasë”. “Unë e dua atë, ajo është mentori im dhe më ka mësuar shumë dhe ajo është gjithmonë aty për të gjithë ne”, tha ai. McCallion lindi në 1921 në Port Daniel, Quebec dhe ishte më e vogla nga pesë fëmijët në një familje që përjetoi Depresionin e Madh.
Ajo punoi për një kompani në Montreal dhe luante si hokej profesioniste. Kompania e saj e çoi atë në Toronto, ku zhvilloi një interes të fortë për politikën lokale. Ajo mbajti role të ndryshme në qeverisjen vendore përpara se të kandidonte për kryetare të bashkisë së Mississauga në vitin 1978. Më në fund ajo u zgjodh dhe qëndroi në detyrë deri në vitin 2014, kur vendosi të largohej.