Një grua 20-vjeçare nga Michigan, SHBA u gjet e gjallë në një agjenci funerale sot, pasi kaloi një arrest kardiak dhe u shpall e vdekur nga mjekët.
Incidenti i çuditshëm, i denjë për një film horror, filloi të shpalosej menjëherë pas orës 7.30 të së dielës në periferinë e Detroit në Southfield, ku gruaja e re pa emër u gjet pa ndjenja në shtëpinë e saj.
Familjarët e saj thirrën ambulancën, por mjekët e shpallën atë të vdekur.
Nga mesdita, gruaja që besohej se ishte e vdekur u dërgua funeral, ku punonjësit zbuluan shpejt se ajo ishte akoma gjallë dhe po merrte frymë.
“Ne nuk mund ta besonim”, thanë ata. Gruaja u dërgua sërish në spital, por e ëma e saj thotë se ajo mund të mos mbijetojë.